بمباری سے گیارہ سو جاں بحق

شام کے دارالحکومت دمشق کے مضافات میں سرکاری فوج نے مخالفین کے زیر قبضہ شہر پر بمباری جاری رکھی ہوئی ہے ۔ اطلاعات کے مطابق گھوٹا قصبے میں مارے جانے والوں کی تعداد گیارہ سو ہو گئی ہے ۔

برطانیہ میں موجود شام کی جنگی صورتحال پر نظر رکھنے والے غیر سرکاری ادارے کے مطابق گھوٹا میں بدترین حالات اور انسانی المیہ رونما ہو چکا ہے ۔

قطر کے ٹیلی وژن الجزیرہ نے شام کے غیر سرکاری اعداو شمار کے حوالے سے خبر دی ہے کہ چار لاکھ آبادی والے شہر میں موت رقصاں ہے، گزشتہ اکیس روز میں مارے جانے والوں میں ۲۲۷ بچے اور ۱۵۴ خواتین شامل ہیں جبکہ زخمیوں کی تعداد چار ہزار سے زائد ہو چکی ہے ۔

متعلقہ مضامین