نئی حلقہ بندیوں پر پبلک نوٹس

الیکشن کمیشن نے آئندہ عام انتخابات کے لئے نئی حلقہ بندیوں پر پبلک نوٹس جاری کر دیا ہے ۔ نوٹس میں کہا گیا ہے کہ حلقہ بندیوں کی عبوری رپورٹ ہر اعتراض تین اپریل تک دائر کئے جاسکتے ہیں ۔

الیکشن کمیشن کے مطابق حلقہ بندیوں کی عبوری رپورٹ ویب سائٹ پر موجود ہے، حلقہ بندیوں پر اعتراضات صرف متعلقہ حلقے کا ووٹر دائر کرسکتا ہے اور اعتراضات صرف سیکرٹری الیکشن کمیشن کے پاس دائر کئے جاسکتے ہیں ۔ الیکشن کمیشن کا کہنا ہے کہ اعتراض کےلئے درخواست کی آٹھ کاپیاں، آٹھ نقشے جمع کرائے جائیں ۔ اعتراضات کے لئے نقشے الیکشن کمیشن، محکمہ شماریات اور محکمہ مال (ریونیو) سے حاصل کئے جاسکتے ہیں ۔
اعتراضات کے لئے مردم شماری کی 2017 رپورٹ پر انحصار کیا جائے ۔ نوٹس کے مطابق تین اپریل کے بعد کوئی اعتراض وصول نہیں کیا جائے گا ۔

متعلقہ مضامین

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے