تہمت لگا کر ماں پہ

اللہ بخشے میرے مرحوم دادا جان پوری زندگی سیاست میں رہے اور اپنے علاقے جلال پور پیر والا ضلع ملتان سے کسی نہ کسی حیثیت میں انتخابات میں حصہ لیتے رہے ، زندگی کے آخری چند برسوں میں ناسازی طبیعت کی بنا پر عملی سیاست سے الگ ہو گئے لیکن برادری کا سربراہ ہونے کی وجہ سے الیکشن کے دنوں میں سیاستدان ہماری بیٹھک کےچکر لگاتے تھے ، ایسی ہی ایک بیٹھک کے دوران میں نے سنا کہ وہ کہہ رہے تھے نواز شریف ایک خطرناک حد تک ضدی اور ہٹ دھرم سیاستدان ہے ، صحافت میں آنے اور پارلیمانی رپورٹنگ کے دوران ایسا ہی کچھ میں نے ایک نہایت زیرک اور سینئر رہنما کے منہ سے بھی سنا لیکن کچھ اتنی اچھی طرح سمجھ نہیں آئی جیسے کہ نواز شریف کے، ڈان لیکس پارٹ ٹو، کے بعد آئی، اس بار بھی وہی طریقہ واردات، وہی صحافی وہی اخبار لیکن الزام پہلے سے کہیں زیادہ بے سر و پا اور خطرناک، کسی لاجک کسی ثبوت کے بغیر ۔۔۔

عدالتوں کی جانب سے تا حیات نا اہل قرار دیئے جانے والے نواز شریف نے ملتان جلسہ سے قبل صحافی سرل المیڈا سے بات کرتے ہوئے کہا، پاکستان میں عسکریت پسند تنظیمیں سرگرم ہیں، کیا ہم ان کو نان اسٹیٹ ایکٹرز کہہ کر اجازت دے دیں کہ وہ سرحد پار جائیں اور ممبئی میں 150لوگوں کو مار ڈالیں ۔۔۔ مجھے بتایا جائے کہ راولپنڈی کی انسداد دہشتگردی عدالت میں جاری ممبئی حملہ کیس کا ٹرائل ابھی تک مکمل کیوں نہیں ہوا؟
تو جناب تاحیات نااہل نواز شریف صاحب میں ایک پاکستانی ہونے کی حیثیت سے آپ سے سوال کرتی ہوں کہ آپ کے پاس کیا ثبوت ہیں کہ یہاں سے لوگ حملہ کرنے کے لیے گئے جبکہ بھارت کے اس بے بنیاد اور جھوٹے پروپیگنڈے کو نہ صرف ان کا اپنا پولیس افسر بلکہ انٹرنیشنل میڈیا بھی غلط قرار دے چکا ہے،
جناب نواز شریف صاحب کبھی آپ کو اپنی ہرزہ سرائی سے موقع ملے تو جرمن صحافی کی لکھی گئی کتاب ،، evidence betrayel of india ,, ہی پڑھ لیں ۔۔۔۔ یہ کتاب آپ کے یار مودی کے وطن کے پبلشر فروز میڈیا نیو دہلی نے شائع کی ہے جبکہ یہودی مذہب سے تعلق رکھنے والے معروف تحقیقاتی صحافی ایلیس ڈیوڈسن اس کے مصنف ہیں جن کی غیر جانبداری ثابت شدہ ہے _
2017 میں لکھی گئی اس کتاب میں مصنف کی تحقیق کے مطابق ممبئی حملوں کی منصوبہ بندی و عملدرآمد کی سازش میں بھارت کے ساتھ امریکا اور اسرائیلی گٹھ جوڑ موجود ہے کیونکہ ان حملوں کا سب سے زیادک فائدہ بھارت کی انتہا پسند تنظیموں کے علاوہ امریکا اور اسرائیل کے کاروباری، سیاسی اور فوجی عناصر کو ہوا جبکہ ان سے پاکستانی افواج یا حکومت کو کوئی فائدہ نہیں ہوا_
جباب نواز شریف تحقیقاتی صحافی کے مطابق ممبی حملوں کے ان متاثرین اور گواہوں کے بیانات ہی نہیں لیے گئے جو کہ واقعے کے سرکاری بیان کو اپنانے پر راضی نہ ہوئے، ان گواہوں میں ایسے لوگ بھی شامل ہیں جنہوں نے نریمان ہاوس میں حملوں سے 2 روز قبل اجمل قصاب اور چند دیگر افراد کو اکٹھے ہوتے دیکھا، کچھ مقامی دکانداروں اور رہائشیوں نے بھی گواہی دی کہ شدت پسند کم از کم پندرہ دن نریمان ہاوس میں رہے ۔

یہ تحقیقاتی تصنیف ہمیں یہ بھی بتاتی ہے کہ کس طرح بھارتی اور اسرائیلی حکومتیں نریمان ہاوس واقعے سے متعلق ثبوت گھڑتی رہیں اور مرضی کی گواہیاں حاصل کرنے میں مصروف نظر آئیں ۔ دہشتگردوں کے سہولت کار فون نمبر 012012531824 استعمال کرتے رہے جو امریکا میں تھا_
جناب نواز شریف صاحب آپ کی یاد دہانی کے لیے اجمل قصاب کے ابتدائی اقبالی بیان کے مطابق وہ ممبئی حملوں سے 20 دن پہلے گرفتار کیا گیا اور پھر ملوث کیا گیا _
لیکن میاں صاحب آپ کو یہ سب کیوں یاد آئے گا آپ کے ذہن میں ایک ہی سوال کی بازگشت ہے، مجھے کیوں نکالا،
آپ نے چیرمین نیب سے بھارت منی لانڈرنگ کا ثبوت مانگا ہے ناں تو قوم آپ سے ماں دھرتی کے خلاف اس ہرزہ سرائی کا ثبوت مانگتی ہے
اور اگر آپ ثبوت دینے میں ناکام ہیں تو کیا خود آرٹیکل 6 کے تحت غداری کے مقدمہ کے لیے پیش کریں گے کیونکہ
تہمت لگا کے ماں پہ جو دشمن سے داد لے
ایسے سخن فروش کو مر جانا چاہیے
پاکستان زندہ باد

متعلقہ مضامین

One Comment

  1. Mohterma Ghazala Shahid AAJ aap ka yeh column perha mujhy nahi maloom aap kiss siyasetdaan ki beti ho q k aap ny apny bazurg walid-e-mohtram ka ism-e-giraami tehreer nahi kiya aap ki tehreer perhi perh kr afsos hova k aap ko bilkull bhi iddraak nahi aur na hi history sy shaghef hai q k ager aap haqiqet sy waqif hotien to shaied aisa kabhi bhi tehreer na kertien iss mulk ka almiya hi yeh hai k hamesha sb log siyaasetdaano ko ghalet kehtey aur samjhtey hain q k wo kisi jhoot ya bohtaan per kisi ko na saza day sktey hain aur na jhoot bolney waly ka koi ehtasaab ker sakta hai…. Aur sb sy braa almiya iss watn-e-aziz ka yeh hai k deeger wo idaary jo riyaaset k eham organs hain sb yeh samajhtey hain k wo sachey hotey hain wo Muqaddas cows hain , intehaaie sacred hain wo kabhi bhi kuch Ghalet nahi kertey mohterma yehi soch iss mulk ko taraqqi nahi kerny deti q k ager yeh idaarey bhi ehtasaab k amel sy guzrein to sb shaur daaltey hain k deikho g yeh :: Ghaddari :: ho rahi hai aap emaandaari sy btaaien kiya Hakoomet k ilaawa riyaaset k kisi aur insitution main mukammal emaandaari aur shafaafiyet hai?? kiya hamaari courts apney fraaiez emaandaari say adaa kerti hain? kiya courts apna kaam apny waqt per mukammil kerti hain?? Kiya aisa nahi k eik saaiel apni zindagi ki baazi to haar jata hai mager usey insaaf nahi milta?? Kiya inhi courts ny Mr. Z.A Bhutto ko phaansi llatka kr baad main apny faisley ko ghalet tasleem nahi kiya?? Kiya ye courts apny faisly per pichhtaawey k baad Z.A Bhutto ki zindagi wapis lotaa sakti hain?? aakhir main yehi kahoonga k hr idaarey ko apni domain main reh ker apney hissa ka kaam kerna chaahieye jo uss ki duty hai… Iss kharaabi ka zimma daar sirf siyaaset daan hi akela nahi bul k tamam idaarey hain——Likhney ko boht kuch hai aur haqiqet kuch aur bhi hain mager yeh qaum apni baat apney faisley kerney main kabhi bhi azaad nahi rahi bus itna hi kahoonga— Kharaabi sb main hai chahey wo hakoomet ho ya adliya ya phir qanoon nafiz kerney waaley deeger idaarey koi bhi theek nahi to hum sirf akeley siyaasetdaanoon ko Q mmord-e-ilzaam thehraaien Ajmal Qasaab ki baat kertey hain kiya yeh baat sirf Miyan Nawaz Shareef ney hi ki thi?? Ager yaad ho to btaata chaloon sb sy pehley Mr,Rehman Malik saabiq interior minister ny yeh baat Qabool ki aur tasleem ki thi mohterma sorry aap ka boht time liya– Buss duaa go hain k ALLAH PAK MEREY ISS WATN-E-AZEEZ KO SALAAMET RAKHEY ISS QAUM KI HIFAAZET FERMAAEY BAQI Yeh Hukmaraan yeh generals yeh cjp,s aatey jaatey rahien gay YEH MULK INSHA ALLAH TA QIYAAMET QAAIM O DAAIM RAHEY GA—-

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button