ممبئی حملہ کیس کی سماعت

اسلام آباد کی انسداد دہشتگردی عدالت میں ممبئی حملہ کیس کی سماعت ہوئی ہے جہاں وزارت داخلہ نے بھارتی گواہوں سے متعلق جواب جمع کرانے کیلئے پھر مہلت مانگ لی ہے ۔

عدالت نے ہدایت کی ہے کہ آئندہ سماعت پر واضح پوزیشن سے آگاہ کریں، تحریری طور پر بتائیں کتنا وقت چاہیے ۔ عدالت میں مقدمے میں نامزد 6ملزمان کی طرف سے ضمانت کیلئے درخواست بھی دائر کی گئی ہے، ملزمان میں حماد امین، عبد الواجد، مظہر اقبال، محمد یونس ،شاہد جمیل اور سفیان ظفر شامل ہیں ۔ پاکستان ٹوئنٹی فور کے مطابق وزارت داخلہ کے پراسیکیوٹر قاضی مصباح الحسن نے سیکیورٹی فراہمی کیلئے درخواست دی جس پر جج نے کہا کہ سیکیورٹی کیلئے اپنے متعلقہ محکمے کو درخواست دیں، عدالت کے جج کوثر عباس زیدی نے کہا کہ سیکیورٹی فراہمی کیلئے عدالت کوئی آرڈر پاس نہیں کرے گی ۔

کیس کی سماعت 18جولائی تک ملتوی کردی گئی جبکہ ملزمان کے وکیل نے نجی ٹی وی چینل کے رپورٹر کو دھمکایا ہے کہ انسداد دہشتگری عدالت میںممبئی حملہ کی سماعت ان کیمرہ ہے، آپ رپورٹ نہیں کرسکتے، ملزمان کے وکیل رضوان عباسی نے نجی ٹی وی چینل کے رپورٹر سے کہا کہ آپ نے خبر فائل کی تو آپ کیخلاف درخواست دیں گے ۔

مزید دیکھیں

متعلقہ مضامین

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے