نواز شریف کی عدالت میں گفتگو

نوازشریف نے احتساب عدالت میں پیشی کے دوران لیگی رہنماؤں  سے موجودہ صورتحال پرتبادلہ خیال کیا جبکہ وکیل خواجہ حارث نے نوازشریف کو اسلام آبادہائیکورٹ میں زیرسماعت ضمانت کی درخواست پربریفنگ دی ۔ وزیراعظم ہاؤس کے اخراجات سے متعلق نوازشریف نے کہاکہ اخراجات خود برداشت کیے ثبوت کے طور پر ادا کیے گئے چیکس موجود ہیں ۔

احتساب عدالت پیشی کے موقع پر نوازشریف نے شلوارقمیض پرنیلی وسکٹ پہنے ہوئی تھی ۔ سماعت کے دوران پرویزرشید ، طارق فضل چوہدری اور چوہدری تنویرکمرہ عدالت میں پہنچے، پرویزرشید نے نوازشریف کوموجودہ سیاسی صورتحال سے اگاہ کیا ۔ سماعت کے بعد سینئروکیل خواجہ حارث نے بھی نوازشریف سے 15 منٹ تک ملاقات کی اور اسلام آباد ہائی کورٹ میں زیرسماعت درخواست ضمانت کے حوالے سے بریفنگ دی ۔

صحافی نے نوازشریف سے وزیراعظم ہاوس کے خرچوں سے متعلق سوال کیا تو نوازشریف نے کہا کہ وزیراعظم ہاؤس کے اخراجات خود برداشت کرتے تھے، ثبوت کے طورپر ادا کیے گئے چیکس بھی موجود ہیں ۔ سماعت کے بعد نوازشریف کوانتہائی سیکیورٹی میں ایک بار پھراڈیالہ جیل منتقل کردیا گیا ۔

متعلقہ مضامین

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے