ٹی وی چینل ماموں بن گیا

انگریزی زبان کے مزاحیہ روزنامے ‘دی ڈیپنڈنٹ’ نے ٹی وی چینل 24 نیوز کو ماموں بنا دیا اور بعد میں اس کا شکریہ بھی ادا کیا ہے ۔

مزاحیہ روزنامے نے آن لائن ایڈیشن میں امریکا میں مقیم پاکستانی نژاد بزنس مین شاہد خان کے حوالے سے خبر شائع کر کے ٹوئٹ کیا کہ اس نے ڈیم فنڈ میں ایک ارب ڈالر دینے کی تردید کی ہے ۔ ٹی وی چینل 24 نیوز نے اس خبر کو سچ سمجھ کر اپنی اسکرین پر سجا دیا، دلچسپ بات یہ ہے کہ خبر کے آغاز میں بھی واضح لکھا ہے کہ اس کی بنیاد تخیل / فکشن پر ہے مگر اس کے باوجود ٹوئٹر سے اس کا نقل کر کے نشر کر دیا گیا ۔

مگر کہانی یہیں ختم نہیں ہوئی ۔ اس خبر کے اسکرین شاٹس لے کر مزاحیہ اخبار نے دوبارہ ٹوئٹ کر کے چینل کا شکریہ بھی ادا کیا کہ ہماری تیز رفتار اور زبردست صحافت کو آپ نے عزت بخشی ۔ ابھی تک معلوم نہیں ہو سکا کہ 24 نیوز میں کسی نے شکریے کی خبر بھی نشر کی ہے یا نہیں ۔

متعلقہ مضامین

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے