کلثوم نواز کا جنازہ ادا، تدفین

Reading Time: < 1 minute

سابق وزیراعظم نواز شریف کی اہلیہ کلثوم نواز کا نماز جنازہ شریف میڈیکل سٹی، رائے ونڈ میں ادا کر دیا گیا ہے ۔ نماز جنازہ میں ہزاروں افراد نے شرکت کی ہے ۔ نماز جنازہ مولانا طارق جمیل نے پڑھایا ۔

نواز شریف اپنی اہلیہ کے جنازے میں شرکت کیلئے گاڑی خود ڈرائیو کر کے جنازہ گاہ پہنچے، ان کے ساتھ فرنٹ سیٹ پر لینڈ کروزر میں مولانا طارق جمیل موجود تھے جبکہ شہبار شریف پچھلی نشست پر بیٹھے ہوئے تھے ۔

نماز جنازہ میں ملک کی تمام سیاسی جماعتوں کے اہم رہنماؤں نے شرکت کی ۔ جنازے میں عام شہریوں کی بھی ایک بڑی تعداد موجود تھی ۔ کلثوم نواز کو جاتی امرا میں ان کے آبائی قبرستان میں سپرد خاک کیا جائے گا ۔