شاہد مسعود ضمانت کیلئے سرگرم

اسلام آباد ہائیکورٹ آئندہ ہفتے اینکر پرسن شاہد مسعود کے خلاف پی ٹی وی کرپشن کیس میں نکالے گئے وارنٹ پر ان کی درخواست سنے گی ۔ ڈاکٹر شاہد مسعود نے قبل از گرفتاری ضمانت کے لئے اسلام آباد ہائیکورٹ سے رجوع کیا ہے ۔

درخواست میں کہا گیا ہے کہ ٹرائل کورٹ نے ذاتی حیثیت میں پیش نہ ہونے پر درخواست ضمانت منسوخ کی، کیس کے حتمی فیصلے تک ضمانت دی جائے  ۔ درخواست کے مطابق شاہد مسعود کا کہنا ہے کہ تفتیشی افسر سے مکمل تعاون کر رہا ہوں ، مقدمے میں نامزد تمام شریک ملزمان بھی ضمانت پر ہیں ۔

درخواست میں وفاق، ایف آئی اے،تفتیشی افسر اور ڈپٹی ڈائریکٹر ایف آئی اے اکنامک ونگ کو فریق بنایا گیا ہے ۔ واضح رہے کہ  سنٹرل جج ارم نیازی نے ڈاکٹر شاہد مسعود کی عدم حاضری پر درخواست ضمانت قبل از گرفتاری خارج کر دی تھی ۔ عدالت نے ڈاکٹر شاہد مسعود کی گرفتاری کا حکم دیا تھا ۔

متعلقہ مضامین

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے