پاکستان پاکستان24

پراپرٹی ڈیلرز نے فساد پھیلایا ہوا ہے

اکتوبر 19, 2018 < 1 min

پراپرٹی ڈیلرز نے فساد پھیلایا ہوا ہے

Reading Time: < 1 minute

سپریم کورٹ میں اسلام آباد کے ایک پلاٹ کی الاٹمنٹ کیس کی سماعت کے دوران چیف جسٹس نے کہا ہے کہ شہر میں پراپرٹی ڈیلرز نے فساد پھیلایا ہوا ہے ۔

عدالت عظمی کے تین رکنی بنچ نے پلاٹ کی الاٹمنٹ پر دائر درخواست کی سماعت کی ۔ چیف جسٹس نے کہا کہ پلاٹ کی الاٹمنٹ میں جعل سازی لگتی ہے ۔ خریدار محمد رفیق نے بتایا کہ میں نے پلاٹ خریدا اور سی ڈی اے کو بھی ایک کروڑ کی گارنٹی دی ۔ چیف جسٹس نے کہا کہ معاملہ ایف ائی اے کو بھیج کر تحقیقات کروائیں گے، چیف جسٹس کا کہنا تھا کہ پلاٹ کی الاٹمنٹ کا فرانزک آڈٹ ہوگا، جس نے گڑبڑ کی وہ جیل جائے گا، چیف جسٹس نے کہا کہ پراپرٹی ڈیلر اسلام آباد میں گھوم رہے ہیں، پراپرٹی ڈیلر نے اسلام آباد میں فساد پیدا کیے ہوئے ہیں، چیف جسٹس نے کہا کہ پراپرٹی ڈیلر پاور آف اٹارنی لے کر سی ڈی اے سے الاٹمنٹ لیٹر جاری کرواتے ہیں ۔ عدالت نے آئندہ سماعت پر پلاٹ کی الاٹمنٹ پر ایف آئی اے کو طلب کرتے ہوئے مقدمہ ملتوی کر دیا ۔

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے