اسرائیل پر تنقید، پروفیسر سی این این سے فارغ

عالمی طور پر مشہور امریکی نشریاتی ادارے سی این این نے اسرائیل  پر تنقید کرنے کی پاداش میں ادارے کے لئے جزوقتی کام کرنے والے پروفیسر مارک لیمونٹ ہل سے معاہدہ ختم کرکے ان کو فارغ کر دیا ہے ۔

امریکی خبر رساں ایجنسی کے مطابق ٹیمپل یونیورسٹی میں میڈیا اسٹڈیز کے پروفیسر مارک لیمونٹ ہل کو فلسطینیوں پر ہونے والے مظالم اور اسرائیل مخالف تقریر کرنے پر فارغ کیا گیا ۔  فلسطینیوں سے اظہار یکجہتی  سے متعلق انٹرنیشنل ڈے پر اقوام متحدہ کی ایک تقریب میں خطاب کرتے ہوئے لیمونٹ ہل نے اسرائیل کو نسل کش اور متشدد ریاست قرار دیا تھا۔

ہل کا کہنا تھا کہ فلسطین کو سمندر سے لے کر دریا تک آزاد ہونا چاہیے اور ہر ایک کے لیے جمہوری سیکولر ریاست ہونی چاہیے تاہم اسرائیل نسل کشی اور مظالم ڈھا کر’ ایک ریاستی حل‘ کا چیمپئن بننا چاہتا ہے۔

پروفیسر مارک لیمونٹ ہل کو فلسطین کے حق اور اسرائیل کے خلاف بولنے پر مختلف گروہوں اور انسداد ہتک عزت لیگ کی جانب سے  شکایات پر سی این این نے ان سے معاہدے منسوخ کر کے کہا ہے کہ ادارہ ان سے مزید تعلق نہیں رکھے گا ۔

 

متعلقہ مضامین

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button