ملا منان ڈرون حملے میں مارے گئے

عظمت گل/ نمائندہ خصوصی پشاور

افغانستان میں افغان طالبان کے معروف رہنما ملا منان امریکی ڈرون حملے میں مارے گئے ہیں ۔

سرکاری ذرائع کے مطابق جنوبی افغانستان میں افغان آرمی اور پولیس کےلئے دہشت کی علامت سمجھنے جانے والا طالبان رہنما امریکی ڈرون حملے میں مارا گیا ۔ ملا منان جنگی کمانڈر اور جنوبی صوبے ہلمند کے طالبان کے گورنر بھی رہ چکے تھے ۔

ملا منان جس کا اصل نام ملا عبدالرحیم تھا، پشتونوں کے اسحاق زئی قبیلے سے تعلق رکھتا تھا اور اسے امریکی ڈرون طیارے نے ہلمند کے ضلع نوزاد کے سرگردان بازار میں نشانہ بنایا ۔

ملا منان پاکستان مخالف سمجھے جاتے تھے، وہ ماضی میں چار سال پاکستان کی قید میں بھی رہے ۔

ملا منان جس ڈرون حملے کا نشانہ بنے اس کے نتیجے میں اس کے دو ساتھی موقع پر ہی مارے گئے، ملامنان زخمی ہوئے اور اگلے دن 10 بجے کے قریب وہ زخموں کی تاب نہ لاکر چل بسے۔

طالبان نے پشتو میں پریس ریلیز جاری کر کے موت کی تصدیق کی ہے ۔

متعلقہ مضامین

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button