عامر لیاقت کی عدالت اور میرشکیل سے معافی

Reading Time: < 1 minute

سپریم کورٹ میں عامر لیاقت کے خلاف توہین عدالت کیس کی سماعت کے دوران عامر لیاقت نے ایک مرتبہ پھر عدالت سے غیر مشروط معافی مانگی جسے عدالت نے قبول کر لیا ۔ عدالت نے اینکر پرسن کے خلاف توہین عدالت کا مقدمہ نمٹا دیا ۔

چیف جسٹس ثاقب نثار نے کہا کہ ڈاکٹر صاحب آپ کے چہرے سے نہیں لگ رہا آپ شرمندہ ہیں ۔ عامر لیاقت نے جواب دیا کہ سر میں بہت شرمندہ ہوں،انتہائی عاجزی، انکساری سے اور جھک کر معافی مانگتا ہوں۔ عامر لیاقت نے کہا کہ اس یقین کے ساتھ معافی مانگ رہا ہوں کہ اگر آئندہ اگر کوئی ایسی بات ہو عدالت مجھے بے شک معافی کا حق نہ دے ۔

چیف جسٹس نے کہا کہ ویسے مقرر تو کافی اچھے ہیں ڈاکٹر صاحب ۔ چیف جسٹس کے ریمارکس پر کمرہ عدالت میں قہقہے گونجے تو عامر لیاقت نے کہا کہ میں میر شکیل اور میر ابراہیم سے بھی معافی چاہتا ہوں ۔