آپ لڑیں تو میں چلا جاؤں، جج
Reading Time: < 1 minuteاسلام آباد کی احتساب عدالت میں شریف فیملی کے خلاف ریفرنس میں گواہ محمد رشید کا بیان قلمبند ہونا شروع کیا تو نیب پراسیکوٹر اور نواز شریف کے وکیل خواجہ حارث کے درمیان تلخ جملوں کا تبادلہ ہوا جس پر جج محمد بشیر نے کہا کہ آپ لڑ لیں میں چلا جاؤں _
گواہ نے بتایا کہ نیب لاہور نے پانچ ستمبر کو خط بھیجا ، گواہ نے کہا کہ دستاویزات لیکر نیب لاہور کے سامنے پیش ہوا ، گواہ کے مطابق تفتیشی افسر عمران ڈوگر کو تمام دستاویزات فراہم کیں،تفتیشی افسر نے مجھ سے تمام دستاویزات لے لیں ، گواہ کے بیان کے دوران خواجہ حارث نے گواہ سے سوالات پوچھے تو نیب پراسیکیوشن ٹیم کے رکن سے اعتراض کیا، اور کہا کہ وکیل گواہ کو کنفیوز کرتے ہیں جس پر خواجہ حارث نے کہا کہ نیب پراسیکیوشن ٹیم گواہ کو لقمے دیتی ہے جس پر نیب پراسیکوٹر نے کہا کہ میرا کام ہی یہی ہے اس دوران جج محمد بشیر نے کہا کہ اگر آپ لوگ لڑ رہے ہیں تو میں چلا جاؤں _
