پاکستان پاکستان24

بارہ مئی کیس کی فائل طلب

مئی 12, 2018 < 1 min

بارہ مئی کیس کی فائل طلب

Reading Time: < 1 minute

سپریم کورٹ کے چیف جسٹس ثاقب نثار نے کراچی میں مقدمات کی سماعت کے دوران 12 مئی کے سانحے میں قتل ہونے والے افراد کے لیے فاتحہ خوانی کی ہے _

سپریم کورٹ کراچی رجسٹری میں ایک مقدمے کی سماعت کرتے ہوئے چیف جسٹس نے کہا کہ آج بارہ مئی ہے، 12 مئی کو کراچی میں المناک واقعہ ہوا تھا، شہدا کے لیے فاتحہ خوانی کرنی چاہیے _

سپریم کورٹ کے کمرہ عدالت میں 12 مئی کے شہدا کے لیے فاتحہ خوانی کی گئی، اس کے بعد چیف جسٹس نے وکیل فیصل صدیقی سے پوچھا کہ کیا سانحہ 12 مئی کی تحقیقات نہیں ہوئیں؟ جواب میں کہا گیا کہ سندھ ہائی کورٹ میں معاملہ زیر سماعت ہے _ چیف جسٹس نے کہا کہ آپ کیس نمبر دیں ہم جائزہ لیں گے، چیف جسٹس نے 12 مئی کیس کی فائل طلب کر لی _

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے