آبپارہ والوں نے قبضہ کیا ہے، جسٹس صدیقی

اسلام آباد ہائیکورٹ نے وفاقی ترقیاتی ادارے (سی ڈی اے) کو ہدایت کی ہے کہ خفیہ ایجنسی آئی ایس آئی سے 40 کنال اور سڑکوں کا قبضہ چھڑایا جائے ۔ عدالت نے رہائشی علاقوں میں قائم ٹی وی چینلز اے آر وائے اور نیو نیوز سمیت 15 میڈیا ہاؤسز کے دفاتر کمرشل جگہ منتقل کرنے کا بھی حکم دیا ہے ۔

ہائی کورٹ میں فیض آباد کے غیر قانونی بس اڈوں اور تجاوزات کو ختم کرنے کے کیس کی سماعت جسٹس شوکت عزیز صدیقی نے کی ۔ ڈپٹی کمشنر اسلام آباد سمیت سی ڈی اے کے افسران عدالت میں پیش ہوئے ۔ جسٹسں شوکت صدیقی نے پوچھا کہ رہائشی علاقوں میں قائم میڈیا ہاؤسز کےخلاف کیا کاروائی ہوئی، روز قانون کا بھاشن دینے والے میڈیا والوں سے بھی قانون پر عمل درآمد کرائیں، رہائشی ایریا کے کمرشل استعمال پر میڈیا ہاوسز کے لائسنس منسوخ ہو سکتے ہیں، میڈیا ہاوسز پر بھی ملکی قانون پر عمل درآمد ضروری ہے ۔

سی ڈی اے حکام نے اپنی رپورٹ میں بتایا کہ 20 میں 5 میڈیا ہاوسز نے رہائشی ایریا کو خالی کردیا ہے، 15 میڈیا ہاوسز کو نوٹس جاری کر دیئے گئے ہیں ۔ عدالت نے ہدایت کی ہے کہ اخبار میں میڈیا ہاوسز سے رہاشی ایریا خالی کرانے کا اشتہار دیں، مجسٹریٹ علی جاوید تجاوزات کے خلاف آپریشنز میں سی ڈی اے کے ساتھ معاونت کریں ۔

عدالت نے ایف آئی اے کے سامنے سروس روڈ خالی کرانے کے لئے ڈی جی ایف آئی اے کو آئندہ سماعت پر طلب کر لیا ہے ۔عدالت نے سی ڈی اے کو ہدایت کی کہ آئی ایس آئی ہیڈکوارٹر کے سامنے سروس روڈ خالی کرائی جائے ۔ جسٹس شوکت عزیز صدیقی نے کہا کہ مرئی قوتیں ہوں یا غیر مرئی سب کے خلاف ایکشن ہوگا، 40 کنال پر آبپارہ والوں نے قبضہ کیا ہوا ہے، ملک کا سب سے بڑا حساس ادارہ قانون پر عمل نہ کرے تو عام آدمی کیسے کرے گا ۔

متعلقہ مضامین

تبصرے

  1. WHY PAKISTAN STEEL MILL (PSM) DESTROYED ?, BECAUSE HUNDREDS TO THOUSANDS IMMORALITIES LIKE BELOW WERE BEING DONE, I RETIRED ON 30 04 2015 AS AN EXECUTIVE ENGINEER & MY NDC WAS ISSUED FROM A&P ON 09 04 2015, BUT I WAS NOT RECEIVED UP TO 30 04 2015 AND ON 29 04 2015 I WAS ISSUED A MEMORANDUM THAT I M IN ABEYANCE !

    MY COMPLAINT DATED 13 09 2017 TO CHAIRMAN NAB & NAB LETTER NO.5-4(193)/MISC/A&P/NABHQ/2017/82 DATED 05 04 2018 AND MY COMMENTS DATED 13 04 2018 BUT STILL NO REPLY/RESPONSE ONLY ONE NAB OFFICER SARDAR ADNAN TEL PHONE NO 0519209461 CONFUSES ME & PROTECTS CORRUPT PSM MANAGEMENT

  2. پاکستان کا نڈر قاضی ۔۔جو صرف قانون کی حکمرانی کی بات کرتا ہے قانون پر عمل درآمد کرانے کے رستے میں چاہے جو بھی آئے پاکستان کا یہ ایماندار قاضی کوئی پرواہ نہیں کرتا۔۔۔سلام ہے آپ کو جسٹس صاحب 🌟🌟🌟

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے