متفرق خبریں

وزیر اطلاعات کی حقیقی ٹرولنگ

اگست 29, 2018 < 1 min

وزیر اطلاعات کی حقیقی ٹرولنگ

Reading Time: < 1 minute

وزیراعظم کے ہیلی کاپٹر کی پرواز کے بارے میں پچپن روپے فی کلومیٹر کا بیان دینے والے وفاقی وزیر اطلاعات فواد چودھری کی سوشل میڈیا پر ٹرولنگ تو جاری ہی ہے لیکن ان کے قریبی دوستوں اور گھر والوں نے حقیقی زندگی میں بھی ہیلی کاپٹر معاملے پر ٹرولنگ شروع کر دی ہے ۔

انتہائی معتبر ذرائع کے مطابق فواد چودھری کے گھر والوں نے بھی مذاق میں ان سے پچپن روپے والے ہیلی کاپٹر کی سواری کا مطالبہ کرنا شروع کر دیا ہے جبکہ ان کے قریبی دوستوں اور کابینہ ارکان نے بھی ان سے فرمائش کی ہے کہ انہیں ہیلی کاپٹر فراہم کیا جائے ۔

اس سلسلے میں جب وزیر اطلاعات سے سپریم کورٹ میں سوال کیا گیا تو انہوں نے میڈیا کے کیمروں پر بات کرنے سے معذرت کر لی ۔ ان سے کہا گیا کہ ہیلی کاپٹر والا سوال نہیں کیا جائے گا آپ عدالت میں آنے پر کچھ بتا دیں لیکن وہ مسکراتے ہوئے سپریم کورٹ سے باہر نکل گئے ۔ دلچسپ بات یہ ہے کہ فواد چودھری کا بطور وزیر اطلاعات میڈیا سے تعلق روزانہ کی بنیاد پر اب سرکاری حیثیت میں ہے مگر وہ پہلے سے ہی بات بے بات میڈیا پر جلوہ گر ہونے کے لئے مشہور ہیں ۔

عدالت کے باہر فواد چودھری کے وکیل بھائی فیصل چودھری سے جب بوچھا گیا کہ کیا آپ نے بھی پچپن روپے والے ہیلی کاپٹر کی ڈیمانڈ کی ہے تو انہوں نے تصدیق یا تردید نہ کی ۔ دوبارہ سوال کرنے پر فیصل چودھری مسکراتے رہے ۔

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے