وزیراعظم کے نوٹس

وزیراعظم عمران خان نے نادرا کے خلاف مظاہرے کا نوٹس لیتے ہوئے مسائل کے فوری حل کےلئے ہدایات جاری کر دی ہیں۔

ترجمان وزیراعظم ہاؤس کے مطابق وزیراعظم عمران خان نے زمان پارک لاہور کے سامنے عوام کے نادرا کے خلاف احتجاج کانوٹس لے لیا، عوام کا کہنا تھا کہ نادرا مسائل کے حل اور عوام کو ریلیف دینے میں مکمل ناکام ہو گیا، وزیراعظم نے عوامی مسائل کا نوٹس لیتے ہوئے چیئرمین نادرا کو ہدایت کی ہے کہ وہ متاثرین سے ملاقات کریں اور ان کے مسائل کے حل کےلئے فوری اقدامات کریں ۔

دوسری طرف وزیراعظم نے لاہور میں غیر ضروری رکاوٹوں سے شہریوں کو درپیش مسائل کا نوٹس لیتے ہوئے ضلعی انتظامیہ کو غیر ضروری رکاوٹیں فوری طور پر ہٹانے کا حکم دیا تاکہ عوام کو ریلیف فراہم کیا جا سکے ۔

متعلقہ مضامین