جھوٹی خبر پر معافی مانگ لی

پاکستان میں سوشل میڈیا نے ملک کے سرکاری ٹی وی چینل کو بھی متاثر کرنا شروع کر دیا ہے ۔ تین روز قبل گوجرانوالہ سے سابق رکن قومی اسمبلی جسٹس ریٹائرڈ افتخار احمد چیمہ کی ایک شادی تقریب میں شرکت کی تصاویر فیس بک اور ٹوئٹر پر پھیلا کر دعوی کیا گیا کہ انہوں نے 79 برس کی عمر میں 26 سالہ لڑکی سے شادی کر لی ہے ۔

ان تصاویر کو سوشل میڈیا پر بہت سے صحافیوں نے بھی پھیلایا جس کے بعد بعض ٹی وی چینلز اور اخبارات نے بھی اس کو بطور خبر نشر و شائع کیا ۔ تاہم بعد ازاں افتخار چیمہ کے بیٹے عثمان احمد کی جانب سے اس کی تردید کی گئی اور خبردار کیا گیا کہ سوشل میڈیا پروپیگنڈہ کرنے والوں کے خلاف قانونی کارروائی کی جائے گی ۔

اس انتباہ کے بعد بہت سے جانے پہچانے رپورٹرز اور سوشل میڈیا صارفین نے وہ تصاویر ہٹا دیں ۔ دوسری جانب سرکاری ٹی وی چینل نے بھی جسٹس ر افتخار چیمہ کی وضاحت کو اپنی خبروں میں جگہ دی اور ناظرین سے معذرت بھی کی ۔

متعلقہ مضامین

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے