نیب ریفرنسز منتقلی پر اپیل کی سماعت

Reading Time: < 1 minute

سپریم کورٹ نے نواز شریف اور دیگر کے ریفرنسز کی دوسری عدالت منتقلی کے خلاف نیب کی اپیل پر سماعت کی ۔ عدالت نے ہائیکورٹ کے تفصیلی فیصلے کیلئے دس دن کی مہلت دیدی ۔

چیف جسٹس ثاقب نثار کی سربراہی میں تین رکنی عدالتی بنچ نے اسلام آباد ہائیکورٹ کے فیصلے پر نیب اپیل کی سماعت کی ۔ عدالت کو نیب کے پراسیکیوٹر نے بتایا کہ ہمیں کچھ وقت چاہئیے کیونکہ ابھی تک تفصیلی فیصلہ نہیں ملا، ہائیکورٹ نے مختصر فیصلہ دیتے ہوئے ریفرنسز دوسری عدالت منتقل کئے، تفصیلی فیصلے کا انتظار ہے ۔ سپریم کورٹ نے حکم دیا کہ اسلام آباد ہائیکورٹ کے رجسٹرار تفصیلی فیصلے کیلئے متعلقہ جج صاحبان تک عدالتی ہدایت پہنچائیں تاکہ ریفرنسز منتقلی کا تفصیلی فیصلہ سنایا جا سکے ۔ مقدمے کی سماعت 25 ستمبر تک ملتوی کر دی گئی ۔