انٹرپول کا سربراہ لاپتہ

عالمی پولیس انٹرپول کا سربراہ لاپتہ ہو گیا ہے اور فرانس نے گمشدگی کے بارے میں تحقیقات شروع کر دی ہیں ۔  انٹرپول کے سربراہ مینگ ہونگ وائی کا تعلق چین سے ہے اور ہانگ کانگ کے اخبار ساؤتھ چائنا مارننگ پوسٹ کا دعوی ہے کہ 64 سالہ مینگ کو چین میں پوچھ گچھ کے لیے تحویل میں لیا گیا ہے ۔

فرانسیسی خبر رساں ایجنسی کے مطابق تفتیش کاروں کا کہنا ہے کہ مینگ ہونگ وائی فرانس میں لاپتہ نہیں ہوئے ۔ مینگ کی اہلیہ نے فرانسیسی پولیس کو اپنے خاوند کے لاپتہ ہونے کی اطلاع دی ۔ پولیس حکام کے مطابق مینگ کا اپنی اہلیہ سے ایک ہفتے سے رابطہ نہیں ہوا ۔

دوسری جانب ایک بیان جاری کر کے انٹرپول نے کہا ہے کہ ادارہ اپنے سربراہ کی گمشدگی سے باخبر ہے ۔

کہا جا رہا ہے کہ فرانس نے یہ معاملہ چین کے ساتھ سفارتی سطح پر اٹھایا ہے ۔ واضح رہے کہ عالمی پولیس انٹرپول دنیا کے کسی بھی ملک میں موجود کسی بھی شخص کو گرفتار کرنے کیلئے ریڈ نوٹس جاری کرتی ہے تاہم یہ عالمی قوانین کے تابع ہے اور انٹرپول خود سے کسی مطلوب ملزم کو گرفتار نہیں کر سکتی بلکہ اس ملک کے حکام حراست میں لے کر حوالے کرتے ہیں ۔

متعلقہ مضامین

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے