اسلام آباد میں جھڑپ

اسلام آباد کے علاقے ترامڑی چوک میں سڑک کو خالی کرانے کیلئے پولیس نے آپریشن کیا ہے جس میں میں تین افراد کو ربڑ کی گولیاں لگ گئی ہیں جنہیں ہسپتال منتقل کیا گیا ہے ۔
ریسکیو حکام کے مطابق زخمیوں کی تعداد میں اضافے کا خدشہ ہے ۔

اس سے قبل مظاہرین نے پولیس پر پتھراؤ کیا جس سے کئی اہلکار زخمی ہوئے ۔ اسلام آباد کے ڈپٹی کمشنر حمزہ شفقات کو بھی معمولی چوٹیں آئی ہیں ۔

تاہم پولیس نے مظاہرین سے سڑک خالی کرا لی ہے ۔ دیگر علاقوں میں سے روات پر جی ٹی روڈ کو بھی ٹریفک کیلئے کھول دیا گیا ہے ۔

اسلام آباد کے داخلی مقام فیض آباد میں احتجاجی مظاہرہ جاری ہے اور سڑک دو دنوں سے بند ہے ۔ مظاہرین نے کورال چوک میں بھی رکاوٹیں کھڑی کر دیں جبکہ بارہ کہو مری روڈ پر بھی احتجاج جاری ہے ۔

موٹر وے سے اسلام آباد کی طرف 26 نمبر چونگی بھی مظاہرین نے بند کی ہے اور شام کے وقت 26 نمبر چونگی پر مظاہرین نے متعدد گاڑیاں توڑیں اور دو موٹر سائیکلوں کو آگ لگائی ۔

متعلقہ مضامین

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے