جمائما نے آسیہ کیلئے اںصافی حکومت کو لتاڑ دیا

عمران خان کی سابقہ اہلیہ جمائما گولڈ اسمتھ نے کہا ہے کہ عدالت سے بری ہونے والی آسیہ بی بی کو ملک چھوڑنے سے روکنا اس کے ڈیتھ وارنٹ پر دستخط کرنا ہے ۔ سوشل میڈیا ویب سائٹ ٹویٹر پر جمائما گولڈ اسمتھ نے عمران کی تقریر کو تنقید کا نشانہ بناتے ہوئے کہا کہ تقریر کے 3 دن بعد ہی حکومت مطالبات کے سامنے جھک گئی ۔

جمائما نے ٹوئٹ کیا ہے کہ عدلیہ کے دفاع میں بڑی دلیرانہ تقریر کی گئی تھی، یہ وہ نیا پاکستان نہیں جس کی ہمیں امید تھی تاہم انہوں نے یہ بھی کہا کہ اب بھی امید ہے حکومت ایسا کچھ سوچ رہی ہو گی جو ہم نہیں جانتے ۔

سپریم کورٹ کے فیصلے کے بعد عمران خان کی تقریر کو جو لوگ سوشل میڈیا پر سراہتے رہے اب وہی لوگ حکومت کے تحریک لبیک سے معاہدے پر اسے سخت تنقید کا نشانہ بھی بنا رہے ہیں ۔

متعلقہ مضامین

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے