کابینہ اجلاس میں سو روزہ کارکردگی

وفاقی کابینہ کے اجلاس میں وزیراعظم عمران خان نے کابینہ ارکان کو دیئے گئے اہداف پر پیش رفت کی رپورٹ پر اطمینان کا اظہار کیا ہے ۔  اجلاس میں گلگت بلتستان کو عبوری صوبہ بنانے کی سمری پر بحث وزیر قانون کی عدم موجودگی کے باعث موخر کر دی گئی ۔

وزیراعظم عمران خان کی زیرصدارت وفاقی کابینہ کے اجلاس میں 8 نکاتی ایجنڈے پر تبادلہ خیال کیا گیا ۔ وفاقی کابینہ نے سو روزہ کارکردگی پر وزیراعظم عمران خان کو مبارک باد دی ۔ حکومتی کارکردگی رپورٹ کابینہ اجلاس میں پیش کی گئی ۔ تمام وزراء کی طرف سے اپنی اپنی وزارت کی کارکردگی رپورٹ کابینہ اجلاس میں پیش کی گئی ۔ وزراء کی جانب سے سو روزہ پلاننگ کی تفصیلات اور اقدامات سے کابینہ کو آگاہ کیا گیا ۔

اس موقع پر وزیراعظم عمران خان نے کہا کہ عوام کی بہتری اور معاشی استحکام کے لیے جدوجہد تیز کریں گے، ہمیں سیاسی مخالفین کی پروا کیے بغیر اپنے ایجنڈے کو مکمل کرنا ہے ۔ وفاقی کابینہ کے اجلاس میں دستاویزی تجاویز پر عمل درآمد کے ورکنگ پیپرز پیش کئے گئے ۔ اجلاس میں فیصلہ کیا گیا کہ کرپشن کے خلاف مہم اسی طرح جاری رہے گی، لوٹی ہوئی ملکی دولت جلد واپس لانے کے لئے مزید اقدامات اٹھائے جائیں گے ۔

متعلقہ مضامین

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button