پشتون تحفظ موومنٹ کا رہنما قتل

Reading Time: < 1 minute

بلوچستان کے علاقے لورالائی میں پشتون تحفظ موومنٹ کے رہنما ارمان لونی کی موت کا الزام پولیس پر عائد کیا گیا ہے ۔

مقامی کارکنوں نے کہا ہے کہ پولیس نے مظاہرے کے بعد ایک پارک میں بیٹھے پی ٹی ایم کے کارکنوں پر تشدد کیا اور ان کی گرفتاری کی کوشش کی ۔

بتایا گیا ہے کہ اس دوران ارمانی لونی نے پولیس اہلکاروں سے کہا کہ جن کارکنوں کو گرفتار کرنا ہے ان کے نام بتا دیں ہم خود آ کر گرفتاری دینا چاہتے ہیں لیکن پولیس اہلکاروں نے ڈنڈے مارنا شروع کر دیے ۔ ارمانی لونی کو سر پر ڈنڈا لگنے سے چوٹ آئی اور وہ جاں بحق ہوگئے ۔