حکم عدولی پر افسران طلب
Reading Time: < 1 minuteسپریم کورٹ نے حکم عدولی پر چیف سیکرٹری پنجاب اور ہوم سیکرٹری کو کل طلب کر لیا ہے ۔ افسران کی طلبی لاہور ڈویلپمنٹ اتھارٹی کی ڈائریکٹر جنرل کے خلاف اینٹی کرپشن میں مقدمہ کے اندراج پر کی گئی ۔
جسٹس عظمت سعید کی سربراہی میں بنچ نے دونوں افسران کے خلاف ڈی جی ایل ڈی اے کی درخواست کی سماعت کی ۔ عدالت نے حکام کو ہدایت کی تھی کہ ڈی جی ایل ڈی اے کو ہراساں نہ کیا جائے ۔
سپریم کورٹ نے حکام کو لاہور کے میئر کی گرفتاری سے بھی روکا تھا ۔
سپریم کورٹ کو ایل ڈی اے کی ڈائریکٹر جنرل نے بتایا کہ عدالتی حکم کے باوجود مقدمہ درج کیا گیا ۔ پنجاب کے ایڈیشنل ایڈووکیٹ جنرل نے عدالت کو بتایا کہ محکمہ اینٹی کرپشن کے ڈائریکٹر جنرل کو سپریم کورٹ کے آرڈر سے آگاہ کر دیا تھا ۔
جسٹس عظمت سعید نے کہا کہ دونوں افسران کو کہیں کل عدالت آ کر اپنی پوزیشن واضح کریں ۔
Array