پاکستان

لائن آف کنٹرول پر آبادی کے لیے وارننگ

فروری 21, 2019 2 min

لائن آف کنٹرول پر آبادی کے لیے وارننگ

Reading Time: 2 minutes

عابد خورشید

پاکستان کے زیرانتظام کشمیر کی حکومت نے لائن آف کنٹرول پر ممکنہ بھارتی جارحیت کے خطرے کی وارننگ جاری کر دی ہے جس کے بعد لاکھوں شہری بے یقینی کا شکار ہو گئے ہیں ۔

بھارت کی جانب سے جارحیت کے خطرے کے پیش نظر لائن آف کنٹرول سے ملحقہ رہائشی علاقوں کے شہریوں کو ہدایات جاری کردی گئی ۔

آزاد کشمیر حکومت نے 6 اضلاع کی ضلعی انتظامیہ کو ہدایات دی ہیں کہ ان علاقوں کے شہری صرف محفوظ مقامات سے گزرنے والے راستے اختیار کریں، کسی بھی جگہ ہجوم بننے اور غیر محفوظ راستے سے اجتناب کیا جائے، جبکہ ضلعی انتظامیہ کو ایل او سی کی قریبی آبادیوں میں بنکرز تعمیر کرنے کی ہدایت دی گئی ہے۔ شہریوں کو کہا گیا ہے کہ رات کو غیر ضروری روشنی سے گریز کیا جائے جبکہ کسی بھی جارحیت سے بچنے کے لیے ایل او سی کے قریب چراگاہوں میں مویشیوں کو لے جانے سے گریز کیا جائے۔

لائن آف کنٹرول سے ملحقہ مقامی آبادی کا موقف ہے کہ گزشتہ دو سالوں سے ان کی زندگی اجیرن ہو چکی،سال 2017 اور 2018 میں بھارتی فوج کی بلااشتعال فائرنگ سے بچے اور گھریلو خواتین بھی نشانہ بنے۔ دونوں ممالک کے درمیان تازہ کشیدگی مقامی افراد کی مشکلات میں مزید اضافہ کرے گی۔

ادھر شکر گڑھ ورکنگ باؤنڈری پر فائٹر جیٹ نے ساؤنڈ بیریئر کراس کیا ہے جس سے دھماکے کی آواز سنی گئی ۔ مقامی لوگ خوفزدہ ہو کر گھروں سے باہر نکل آئے تھے ۔

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے