ممبئی کے ’قصاب پُل’ سے 5 ہلاک


عفت حسن رضوی

ممبئی کے ریلوے اسٹیشن چتراپاٹی شیوا جی مہاراج ٹرمینس سے مرکزی شاہراہ کو ملانے والا پُل آج گرگیا، تاہم اس پُل کی وجہ شہرت اس کا اصل نام نہیں۔
26 نومبر کو ممبئی حملے کے بعد سی سی ٹی وی کیمروں سے سامنے آنے والی فوٹیج میں دیکھا گیا تھا کہ ممبئی حملوں میں مبینہ طور پر ملوث اجمل قصاب نے ریلوے اسٹیشن سی ایس ٹی کے بڑے ہال میں موجود افراد پر فائرنگ کی تھی جس کے بعد وہ اور اس کے ساتھی نے ٹرمینس سے باہر آنے کے لیے اسی پُل کو استعمال کیا تھا۔ جسے اسٹیشن پر لگے سیکورٹی کیمروں کی مدد سے بعد دیکھا گیا۔ ممبئی میں کام کرنے والی ایک صحافی نے بتایا کہ ممبئی حملے کے بعد سے اس مشہور پُل کو مقامی افراد اور وہ مسافر جو اسے روزانہ استعمال کرتے “قصاب برج” کے نام سے پکارنے لگے۔
آج قصاب برج کے گرنے سے اب تک ہونے والی ہلاکتیں پانچ ہوگئیں ہیں جبکہ دو درجن سے زائد افراد زخمی ہیں۔

متعلقہ مضامین

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے