نئے پاکستان میں فیس بکیوں پر مقدمے

Reading Time: < 1 minute

پاکستان میں تحریک انصاف کی حکومت نے سوشل میڈیا پر سرگرم افراد کے خلاف مقدمات درج کر کے گرفتاریاں شروع کی ہیں ۔

تحریک انصاف جسے سوشل میڈیا کے ذریعے اٹھنے والی جماعت بھی کہا جاتا ہے، نے حکومت میں آنے کے بعد زیادہ تر ایسے سوشل میڈیا ایکٹیوسٹوں کو نشانہ بنایا ہے جو کارکردگی اور طرز حکومت پر تنقید کرتے ہیں ۔

بہاولپور کے تھانہ بغداد جدید میں درج کیے گئے ایک مقدمے میں فیس بک صارف عاصم اظہر کو گرفتار کیا گیا ہے ۔

دلچسپ امر یہ ہے کہ ایسے ہر مقدمے کی ایف آئی آر گشت پر موجود اپنے فون پر فیس بک کھولنے والے پولیس اہلکار ہی درج کرتے ہیں ۔

عاصم اظہر پر الزام لگایا گیا ہے کہ انہوں نے حکومت اور فوج پر تنقید کی ہے ۔