دوسری شادی پر شوہر کو جیل

Reading Time: < 1 minute

پاکستان کے صوبہ پنجاب کے دارالحکومت لاہور کی ایک عدالت نے پہلے بیوی سے اجازت لیے بغیر دوسری شادی کرنے والے شخص کو تین ماہ قید اور پانچ ہزار روپے جرمانہ کی سزا سنائی ہے ۔

لاہور سے تعلق رکھنے والی رابعہ یونس نے اپنے شوہر شعیب زاہد کے خلاف شکایت درج کرائی تھی کہ اس نے قانون کے مطابق اس سے اجازت لیے بغیر چھپ کر دوسری شادی کی ہے ۔

لاہو کینٹ کی عدالت کے مجسٹریٹ کاشف عباس نے الزام ثابت ہونے مسلم فیملی ایکٹ سنہ 1961 کے سیکشن چھ کے تحت ملزم شوہر شعیب زاہد کو تین ماہ کے لیے جیل بھیج دیا جبکہ اس پر پانچ ہزار روپے جرمانہ بھی عائد کیا ہے ۔