سعودی آئل ٹینکروں پر حملے کی ایرانی مذمت

سعودی عرب نے کہا ہے کہ اس کے دو تیل بردار بحری جہازوں پر متحدہ عرب امارات کے ساحل کے قریب حملہ کیا گیا ہے ۔

پیر کو سعودی عرب کے وزیر توانائی خالد الفلیح نے ایک بیان میں کہا ہے کہ اس تخریبی کارروائی میں تیل سمندر میں نہیں پھیلا تاہم جہازوں کو اچھا خاصا نقصان پہنچا ہے ۔

ادھر ایران نے خلیج عمان میں آئل ٹینکرز پر حملے کو ’خطرناک‘ قراردیتے ہوئے اس کی مذمت کی ہے ۔

ایران کی وزارتِ خارجہ کے ترجمان عباس موسوی نے وزارت کی ویب سائٹ پر جاری بیان میں کہا ہے کہ ان حملوں کی تفتیش ہونی چاہیئے ۔ انہوں نے کہا ہے ’خلیج عمان میں اس طرح کے واقعات خطرناک اور قابل مذمت ہیں۔‘ 

ایرانی ترجمان نے ان حملوں کی تحقیقات کا مطالبہ کرتے ہوئے بیرونی طاقتوں کی جانب سے علاقے میں بحری سیکورٹی کو خراب کرنے پر متنبہ کیا ۔

اس سے قبل اتوار کو متحدہ عرب امارات نے ایک بیان میں کہا تھا کہ فجیرہ کے ساحل کے قریب ایک تخریبی کارروائی میں مختلف ملکوں کے چار مال بردار بحری جہازوں کو نشانہ بنایا گیا ۔

متعلقہ مضامین

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button