12 ارب کھانے والے ڈبل شاہ کی ضمانت مسترد

Reading Time: < 1 minute

پاکستان کی سپریم کورٹ نے مشہور زمانہ فراڈ کے ملزم ڈبل شاہ کی ضمانت کی درخواست مسترد کر دی ہے ۔ جسٹس عظمت سعید نے کہا ہے کہ عوام کو لوٹنے والے کسی رعایت کے مستحق نہیں ۔

سپریم کورٹ کے تین رکنی بنچ نے افضال اخلاق المعروف ڈبل شاہ کی درخواست ضمانت کی سماعت کی ۔
قومی احتساب بیورو نیب کے پراسیکیوٹر نیئر رضوی نے کہا کہ ڈبل شاہ کے خلاف 2016 میں ریفرنس دائر کیا گیا، ڈبل شاہ کے متاثرین کی تعداد 3540 ہے ۔

نیئر رضوی نے بتایا کہ ڈبل شاہ کی ضمانت کی تین درخواستیں پہلے بھی مسترد ہو چکی ہیں ۔ ملزم کے وکیل نے کہا کہ میرا موکل چار سال سے جیل میں ہے ۔

نیب پراسیکیوٹر کے مطابق ڈبل شاہ کے دو ساتھی تاحال مفرور ہیں ۔

ایڈیشنل پراسیکیوٹر جنرل نیب نے عدالت کو بتایا کہ ڈبل شاہ نے عوام کو ساڑھے 12 ارب سے زائد کا نقصان پہنچایا ۔

جسٹس عظمت سعید نے کہا کہ عوام کے لوٹنے والے کسی رعایت کے مستحق نہیں ۔