جوڈیشل کونسل کا جسٹس فائز سے رابطہ
Reading Time: < 1 minuteپاکستان میں اعلی عدلیہ کے ججز کے خلاف شکایات سننے والے فورم سپریم جوڈیشل کونسل نے صدارتی ریفرنس پر جسٹس قاضی فائز عیسی سے رابطہ کیا ہے۔
جمعہ کو جوڈیشل کونسل کی کارروائی کے بعد کونسل کے سیکرٹری ارباب عارف نے جسٹس قاضی فائز کے ججز کالونی میں واقع گھر کے پتے پر سربمہر لفافہ بھجوایا ہے۔
سپریم جوڈیشل کونسل کے قواعد کے مطابق کسی شکایت پر ابتدائی انکوائری کے مرحلے میں مدعا علیہ جج سے رابطہ کر کے ریفرنس کا بتایا جاتا ہے۔
اس حوالے سے سینئر صحافی مطیع اللہ جان نے اپنے ایم جے ٹی وی پر دعوی کیا ہے کہ جسٹس قاضی فائز کے گھر رات گئے پہنچنے والی ڈاک میں ریفرنس اور متعلقہ مواد ہو سکتا ہے۔
Array