سی این جی 22 روپے مہنگی

Reading Time: < 1 minute

پاکستان میں تحریک انصاف کی حکومت نے سستا فیول سمجھی جانے والی سی این جی کی قیمت میں 22 روپے کلو اضافہ کر دیا ہے۔

حکومت نے سی این جی پر سیلز ٹیکس میں بھی اضافہ کیا ہے جس کا فیڈرل بورڈ آف ریونیو نے نوٹیفیکشن جاری کیا۔

ایف بی آر کی طرف سے جاری کردہ نوٹیفیکشن کے مطابق سی این جی پر سیلز ٹیکس میں دو روپے 50 پیسے کا اضافہ کیا گیا جس کے بعد ریجن ون اور ریجن ٹو کےلئے قیمتوں میں بھی اضافے کا امکان ہے۔

ادھر گیس قیمتوں میں اضافے کے باعث بھی سی این جی کی قیمتیں مزید بڑھنے کا خدشہ موجود ہے تاہم مارکیٹ ذرائع کے مطابق قیمتوں میں 22 روپے تک کا اضافہ ہوگیا ہے۔

اس حوالے سے سی این جی ایسوسی ایشن کی طرف سے فیصلہ ہونا باقی ہے لیکن سی این جی پر سیلز ٹیکس پر میں اضافے کے نوٹیفکشن پر عملدرآمد یکم جولائی سے ہو گیا ہے۔