عالمی خبریں

شمالی کوریا کے امریکہ پر الزامات

جولائی 4, 2019 < 1 min

شمالی کوریا کے امریکہ پر الزامات

Reading Time: < 1 minute

شمالی کوریا نے امریکی صدر ڈونلڈ ٹرمپ کے پہلے مختصر اور تاریخی دورے کے تین دن ایک بیان میں کہا ہے کہ جوہری ہتھیاروں کے معاملے پر دونوں ملکوں کے درمیان مذاکرات بحالی کے حالیہ معاہدے کے باوجود امریکہ جارحانہ اقدامات پر تُلا ہوا ہے۔

بدھ کو اقوامِ متحدہ میں شمالی کوریا کے وفد نے کہا کہ امریکہ کو ‘پابندیاں عائد کرنے کا جنون ہے‘۔

وفد نے بیان میں یہ الزام بھی عائد کیا کہ واشنگٹن جزیرہ نما کوریا کے ’پرامن ماحول کو نقصان پہنچانے کی کوشش کر رہا ہے۔‘

خیال رہے کہ اتوار کو امریکی صدر ڈونلڈ ٹرمپ نے جاپان میں جی ٹوئنٹی کے اجلاس میں شرکت کے بعد شمالی کوریا کا ایک مختصر دورہ کیا تھا جہاں انہوں نے جنوبی کوریا کی سرحد کے ساتھ راہداری میں کم جونگ ان سے ملاقات کی تھی۔

کسی بھی امریکی صدر کا شمالی کوریا کا یہ پہلا دورہ تھا۔

 ایک گھنٹہ جاری رہنے والی گفتگو کے بعد دونوں ممالک نے شمالی کوریا کے ایٹمی ہتھیاروں میں تخفیف پر مذاکرات کی بحالی کے لیے ٹیمیں تشکیل دینے پر اتفاق کیا تھا۔

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے