متفرق خبریں

تحریک انصاف قبائل سے ہار گئی

جولائی 22, 2019 < 1 min

تحریک انصاف قبائل سے ہار گئی

Reading Time: < 1 minute

پاکستان میں تحریک انصاف کے امیدوار قبائلی علاقوں سے صوبہ خیبر پختونخوا میں ضم ہونے والے اضلاع میں صوبائی اسمبلی کے پہلے تاریخی انتخابات میں ووٹرز کا اعتماد جیتنے میں ناکام رہے ہیں۔

کل 16 حلقوں میں سے تحریک انصاف کے امیدوار صرف پانچ نشستوں پر کامیابی حاصل کر پائے۔

خیال رہے کہ جولائی 2018 کے انتخابات میں ان علاقوں سے تحریک انصاف نے قومی اسمبلی کی 12 میں سے چھ نشستیں جتیں تھی۔

تحریک انصاف نے باجوڑ اور خیبر ایجنسی سے قومی اسمبلی کی دو دو جبکہ اورکزئی اور مہمند ایجنسی سے ایک ایک نشست حاصل کی تھی۔

پارٹی کے بعض کارکنوں کے مطابق اورکزئی اور باجوڑ سے منتخب ارکان قومی اسمبلی نے صوبائی اسمبلی کے ٹکٹ اپنے رشتہ داروں کو لے کر دیے جو تحریک انصاف کے امیدواروں کی شکست کی وجہ بنی۔

خیال رہے کہ 16 میں سے پانچ نشستیں آزاد امیدواروں نے حاصل کی ہیں جبکہ جمعیت علمائے اسلام، عوامی نیشنل پارٹی اور جماعت اسلامی نے ایک ایک نشست حاصل کی ہے۔

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے