متفرق خبریں

کشمیر پر سلامتی کونسل کا اجلاس

اگست 16, 2019 < 1 min

کشمیر پر سلامتی کونسل کا اجلاس

Reading Time: < 1 minute

مسئلہ کشمیر پر بحث کے لئے اقوام متحدہ کی سلامتی کونسل کا اجلاس جمعہ بند کمرے میں ہو رہا ہے۔


 اقوام متحدہ سیکیورٹی کونسل کی آفیشل ویب سائٹ پر رات گئے جاری کئے جانے والے پروگرام کے مطابق سیکیورٹی کونسل کے بند کمرے کا اجلاس جمعہ16اگست صبح دس بجے شیڈول ہے۔ 

انڈیا کی طرف سے کشمیر کی خود مختاری کے خاتمے کے بعد اقوام متحدہ کی سلامتی کونسل کا اجلاس شیڈولڈ ہے۔
 ’بند کمرے کا اجلاس جمعہ کی صبح ہوگا۔ پولینڈ جو اس وقت سلامتی کونسل کا صدر ہے نے یہ معاملہ صبح دس بجے بحث کے لیے مقرر کیا ہے‘۔

مبصرین کے مطابق یہ مشاورتی نوعیت کا اجلاس ہے۔

اس سے قبل پاکستانی وزیر خارجہ نے کہا تھا کہ ’ہم نے کشمیریوں کے حقوق کے لیے ریلی نکالی اور مطالبہ کیا کہ ان کو سنا جائے اور انڈین مظالم روکے جائیں۔ کل ہماری درخواست پر اقوام متحدہ کی سیکورٹی کونسل انڈیا کے یکطرفہ اقدام اور کشمیر میں انسانی بحران پر اجلاس منعقد کر رہی ہے۔‘

پاکستان کے سرکاری ٹیلی ویژن نے اس اجلاس کو بڑی سفارتی کامیابی قرار دیتے ہوئے کہا تھا کہ انڈیا کے زیرِ انتظام کشمیر کے مسئلے پر سلامتی کونسل کا اجلاس 16 اگست کی صبح دس بجے طلب کیا گیا ہے۔

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے