ملنگا کا ایک اور ریکارڈ

سری لنکا کے تیز رفتار اور انوکھے ایکشن والے بولر لیستھ ملنگا نے ٹی ٹونٹی کرکٹ میں سب سے زیادہ وکٹیں لینے کا ریکارڈ اپنے نام کر لیا ہے۔

لیستھ ملنگا کی وکٹوں کی تعد 99 ہو گئی ہے۔ انہوں نے شاہد آفریدی کی 98 وکٹوں کے ریکارڈ توڑا ہے۔

ایک روزہ اور ٹیسٹ میچوں میں بھی سب سے زیادہ کھلاڑی آؤٹ کرنے کا ریکارڈ سری لنکا کے پاس ہے۔ سپنر مرلی دھرن نے ون ڈے میں 584 اور ٹیسٹ میں 800 وکٹیں حاصل کر رکھی ہیں۔

ملنگا نے یہ ریکارڈ نیوزی لینڈ کے خلاف ٹی ٹونٹی میچ میں دو کھلاڑیوں کو آؤٹ کر کے بنایا۔

پاکستان کے سابق فاسٹ بولر شعیب اختر نے بھی ملنگا کو ٹوئٹر پر مبارکباد دی ہے۔

ملنگا نے شاہد آفریدی سمیت کئی بڑے ناموں کو پیچھے چھوڑ دیا۔

اوسط کے لحاظ سے اس وقت کامیاب ترین ٹی ٹونٹی بولر افغانستان کے راشد خان ہیں۔

متعلقہ مضامین