بھرے بازار میں بیوی کو گولیاں مار دیں

پاکستان کے صوبہ پنجاب کے شہر راولپنڈی کے علاقے چونترہ میں بیوی کو بھرے بازار میں گولیاں مار کر قتل کرنے اور سالے کو زخمی کرنے کے واقعے کی موبائل فوٹیج سامنے آئی ہیں۔

واردات کے بعد پولیس نے واردات کے بعد ملزم کو اسلحہ سمیت گرفتار کیا ہے۔

قتل کی واردات کی فوٹیج میں دیکھا جاسکتا ہے کہ ملزم بلال اپنی بیوی کو بھرے بازار میں گولیاں مارتا ہے، خاتون جان بچانے کے لیے ڈمپر کے پیچھے چھپتی ہے لیکن ملزم اس کا پیچھا کرکے قتل کردیتا ہے۔

ایس پی صدر رائے مظہر اقبال نے بتایا کہ پولیس نے ملزم کو 10 منٹ بعد اسلحہ سمیت گرفتار کیا، ملزم نے پولیس جوانوں پر بھی فائرنگ کی تھی لیکن پولیس اہلکاروں نے انتہائی مہارت سے ملزم کو ساتھی سمیت گرفتار کرکے اسلحہ اور گاڑی قبضے میں لے کی ہے۔

متعلقہ مضامین