فضل الرحمان کی پریس کانفرنس نشر نہ کی جائے

پاکستان میں الیکٹرانک میڈیا کو ریگولیٹ کرنے والے ادارے پیمرا نے ٹی وی چینلز کے مالکان اور نیوز ڈائریکٹرز کو پیغام بھیجا ہے کہ حزب اختلاف کی جماعت جمعیت علمائے اسلام کے سربراہ مولانا فضل الرحمان کی پریس کانفرنس نشر نہ کی جائے۔

تین نجی ٹی وی چینلز کے ڈائریکٹرز نے نام ظاہر نہ کرنے کی شرط پر پاکستان ٹوئنٹی فور کو تصدیق کی ہے کہ ان کو یہ پیغام غیر رسمی طور پر واٹس ایپ، ٹیکسٹ میسج کے علاوہ ڈی جی پیمرا کی جانب سے فون کال پر بھی ملا ہے۔

ایک نیوز ڈائریکٹر نے بتایا کہ یہ کوئی حکم نہیں ہے تاہم عمل نہ کرنے کی صورت میں نتائج بھگتنا پڑتے ہیں۔

خیال رہے کہ مولانا فضل الرحمان اپنی جماعت کی جانب سے کیے جانے والے آزادی مارچ پر میڈیا کو آج بریفنگ دے رہے ہیں۔

ٹی وی چینلز کے ڈائریکٹرز نے بتایا کہ ان پر طاقتور حلقوں کی جانب سے کوئی دباؤ نہیں ہے تاہم حکومتی عہدیدار غیر رسمی انداز میں اپنی خواہش کا اظہار کرتے رہتے ہیں۔

متعلقہ مضامین