سرل المیڈا نے صحافت چھوڑ دی؟

پاکستان میں انگریزی روزنامے ڈان سے وابستہ معروف لکھاری سرل المیڈا نے وقتی طور پر صحافت کو خیر باد کہہ دیا ہے۔

سول ملٹری تعلقات پر مشہور زمانہ خبر بریک کرنے سے طوفان کی زد میں آنے والے المیڈا نے ٹوئٹر پر لکھا ہے کہ انہوں نے ڈان اخبار کی ملازمت سے استعفا دے دیا ہے۔

سرل اپنے اتوار کے کالم کی وجہ سے بھی ایک منفرد پہچان رکھتے ہیں جو انہوں نے لکھنا چھوڑنے کا اعلان کیا ہے۔

انہوں نے کہا ہے کہ مستقبل قریب میں لکھنے کی جانب واپس آنے کا بھی کوئی منصوبہ نہیں اور میڈیا سے وقفہ لینا بھی ان کے ارادوں میں شامل ہے۔

سرل المیڈا پر ڈان میں خبر دینے کے بعد غداری کا مقدمہ درج کرنے کے لیے لاہور ہائیکورٹ میں درخواست بھی زیر سماعت رہی اور ان کا نام بھی ایگزٹ کنٹرول فہرست یا ای سی ایل میں شامل کیا گیا۔

سرل کو بے باک صحافت پر عالمی ایوارڈ بھی دیا گیا۔

متعلقہ مضامین