متفرق خبریں

لاہور دھماکے میں حافظ سعید کا بیٹا محفوظ، ایک ہلاک، پانچ زخمی

دسمبر 7, 2019 < 1 min

لاہور دھماکے میں حافظ سعید کا بیٹا محفوظ، ایک ہلاک، پانچ زخمی

Reading Time: < 1 minute

پاکستان کے صوبے پنجاب کے دارالحکومت لاہور میں مذہبی جماعت کے اجتماع میں دھماکے کے نتیجے میں ایک شخص ہلاک جبکہ پانچ زخمی ہو گئے ہیں۔

پولیس ذرائع کے مطابق مذہبی جماعت کی تقریب میں حافظ سعید کے بیٹے حافظ طلحہ سعید بطور مہمان خصوصی مدعو تھے، تاہم وہ محفوظ رہے۔

پولیس اور ریسکیو حکام نے بتایا ہے کہ دھماکہ اجتماع کے مین سٹیج کے قریب ہوا۔ دھماکے میں زخمی افراد کو جناح اسپتال منتقل کیا گیا۔

پولیس اور ریسکیو حکام کے مطابق دھماکے کی نوعیت کا تعین کیا جا رہا ہے اور پولیس نے علاقے کو گھیرے میں لے کر تلاشی شروع کردی ہے۔

پولیس حکام کا کہنا ہے کہ ابتدائی اطلاع کے مطابق دھماکہ ائیر کنڈیشنز کی دکان پر سیلنڈر پھٹنے سے ہوا تاہم تحقیقات جاری ہیں۔

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے