بیجنگ میں بھیک منگا؟

وزیراعظم عمران خان کی چین کے دورے میں سرکاری ٹی وی نے خوب تشہیر کی مگر اس دوران صرف چند سیکنڈز کیلئے ٹی وی اسکرین پر انگریزی میں ایک ایسا لفظ لکھ دیا گیا کہ سارا مزہ کرکرا ہو گیا ۔ اور اب وزیر اطلاعات نے اس کی انکوائری کرانے کیلئے کمیٹی بٹھا دی ہے ۔

چین کے دارالحکومت بیجنگ سے براہ راست آنے والی تقریر کے دوران گرافک ڈایزائنر نے انگریزی میں بیجنگ کو بیگنگ لکھ دیا جس کا مطلب ہے بھیک مانگنا ۔

اس لائیو نشریات سے لئے گئے اسکرین شاٹ کو سوشل میڈیا پر خوب پھیلایا گیا کہ دراصل لکھ تو سچ ہی دیا ہے کہ سعودی عرب کے بعد چین سے بھی بھیک مانگنے ہی گئے ہوئے ہیں مگر حکومت نے اس پر سخت ردعمل ظاہر کیا ہے ۔

بیس سکینڈ تک اسکرین پر وزیراعظم کو بھیک مانگتے ہوئے سلگ/ڈیٹ لائن کے ساتھ دکھانے کے بعد سرکاری ٹی وی نے ٹوئٹر اکاؤنٹ پر معذرت کی اور اس کے ذمہ داروں کے خلاف سخت کارروائی کا بتایا ۔ دوسری طرف وفاقی وزیر اطلاعات نے اس غلطی/کوتاہی پر سخت انضباطی کارروائی کیلئے انکوائری کرنے کا حکم دیا ہے ۔

متعلقہ مضامین

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے