عدالتی ڈیم کیلئے فوجی چندہ

پاکستان کی فوج کے افسران نے چیف جسٹس ثاقب نثار کی جانب سے قائم ڈیموں کے فنڈ میں عطیات دینے کا اعلان کیا ہے ۔ پاکستان کی فوج کے ترجمان میجر جنرل آصف غٖفور نے سوشل میڈیا ویب سائٹ ٹوئٹر پر بتایا ہے کہ پاکستان کی تینوں افواج بحری، بری اور فضائیہ کے افسران ڈیموں کیلئے قائم فنڈ میں دو دن کی تنخواہ جمع کرائیں گے ۔

ترجمان کے مطابق اس قومی مقصد کیلئے پاکستان کی فوج کے سپاہی ایک دن کی تنخواہ جمع کرائیں گے ۔ واضح رہے کہ ملک کے چیف جسٹس ثاقب نثار نے بھاشا دیامر اور مہمند ڈیم بنانے کا بیڑا اٹھایا ہے اور اس کیلئے اکاؤنٹ سپریم کورٹ کی جانب سے بنایا گیا ہے جس میں انہوں نے ذاتی طور پر دس لاکھ روپے کی خطیر رقم جمع کرائی ہے ۔

دوسری جانب سابق حکومت کے وزرا نے سوشل میڈیا پر لکھا ہے کہ بھاشا ڈیم کی تعمیر کی منظوری مشترکہ مفادات کونسل پہلے ہی دے چکی ہے اور اس کیلئے حالیہ ترقیاتی بجٹ میں بائیس ارب روپے مختص کئے گئے ہیں ۔

مزید دیکھیں

متعلقہ مضامین

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے