اعظم سواتی کا خواتین پر مقدمہ

پولیس سربراہ کو تبدیل کرانے کی وجہ سامنے آنے کے بعد اسلام آباد پولیس نے وفاقی وزیر اعظم سواتی کے بیٹے کی درخواست پر کارروائی کرتے ہوئے ملزمان کو گرفتار کرلیا۔ گرفتار کی گئی دو خواتین کو جیل جبکہ دو ملزمان کا جسمانی ریمانڈ حاصل کرلیا گیا ۔
وفاقی وزیر سائنس اینڈ ٹیکنالوجی اعظم سواتی کے بیٹے کی درخواست پر تھانہ شہزاد ٹاؤن میں مقدمہ درج کیا گیا۔ عثمان علی سواتی نے پولیس کو بتایا کہ ملزمان احسان اللہ باجوڑی، ضیا الدین، صلاح الدین اور دیگر نے اپنے مویشی ہمارے باغات میں چھوڑ دیئے۔ منع کرنے پرملزمان نے ملازمین پر کلہاڑیوں اور ڈنڈوں سے حملہ کر دیا۔ ملزمان نے گن مین سے کلاشنکوف کے میگزین بھی چھین لیے اور زدوکوب کیا۔ تھانا شہزاد ٹاؤن پولیس نے اعظم سواتی کے بیٹے کی درخواست پر کارروائی کرتے ہوئے ملزمان کو گرفتار کرلیا۔ ذرائع کے مطابق گرفتار ہونے والے ملزمان میں دو خواتین بھی شامل ہیں۔ گرفتار کی گئی خواتین کو جیل بھجوا دیا گیا جبکہ پولیس نے دو ملزمان احسان اور نیاز کا جسمانی ریمانڈ حاصل کرلیا ہے۔

متعلقہ مضامین

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے