مشرف غداری کیس پھر ملتوی

Reading Time: < 1 minute

پاکستان کے سابق ڈکٹیٹر پرویز مشرف کے خلاف سنگین غداری کے مقدمے میں وکلا کا پینل مکمل ہونے کے لیے خصوصی عدالت نے مزید ایک ماہ کی مہلت دے دی ہے۔

پرویز مشرف کے خلاف سنگین غداری کیس کی سماعت جسٹس طاھرہ صفدر کی سربراہی میں تین رکنی خصوصی عدالت نے کی۔

وزارت قانون کے حکام نے عدالت میں پیش ہو کر بتایا کہ نے وکلا کا پینل بنا کر ان کو خطوط لکھے ہیں۔ حکام کے مطابق تین وکیلوں نے جواب نہیں دیا۔

جسٹس طاہرہ نے پوچھا کہ کیا مزید اقدمات کیے ہیں۔ وفاقی سیکرٹری قانون نے استدعا کی کہ موقع دیا جائے کہ ھم بہتر وکلا کا پینل بنا سکیں۔

جسٹس طاہرہ نے پوچھا کہ کتنا مزید وقت چاہیے۔ سیکرٹری قانون نے عید الاالضحی تک کا وقت مانگا جس پر جسٹس طاہرہ نے کہا کہ ”ہم نے آپ کو موقع دیا، اگلی تاریخ 22 آگست دیے رہے ہیں۔“